ಕಾಶ್ಮೀರ ಪ್ರತ್ಯೇಕತಾವಾದಿಗಳನ್ನು ಕೊಲ್ಲಲು ಪಾಕ್ ಸಂಚು? – News Mirchi

ಕಾಶ್ಮೀರ ಪ್ರತ್ಯೇಕತಾವಾದಿಗಳನ್ನು ಕೊಲ್ಲಲು ಪಾಕ್ ಸಂಚು?

ಕಾಶ್ಮೀರದ ಪ್ರತ್ಯೇಕತಾವಾದಿ ನಾಯಕರನ್ನು ಗುರಿಯಾಗಿಸಿ ದಾಳಿ ನಡೆಸಿ ಕೊಲ್ಲಬೇಕು ಎಂದು ಪಾಕಿಸ್ತಾನದ ಗುಪ್ತಚರ ಸಂಸ್ಥೆ ಐಎಸ್ಐ, ಉಗ್ರ ಸಂಘಟನೆಯಾದ ಲಷ್ಕರ್ ಎ ತೊಯ್ಬಾ ಗೆ ಸೂಚಿಸಿದೆ. ಈಗಾಗಲೇ ಕೊಲ್ಲಬೇಕಾದವರ ಪಟ್ಟಿಯೂ ಸಿದ್ಧಪಡಿಸಿದ್ದಾರೆ ಎಂದು ಭಾರತದ ಇಂಟೆಲಿಜೆನ್ಸ್ ಬ್ಯೂರೋ ಅಧಿಕಾರಿಗಳು ಹೇಳುತ್ತಿದ್ದಾರೆ.

ಕಾಶ್ಮೀರದಲ್ಲಿ ಅಶಾಂತಿ ಸೃಷ್ಟಿಸಲು ಪಾಕ್ ಈ ತಂತ್ರಕ್ಕೆ ಮುಂದಾಗಿದೆ. ಉಗ್ರ ಬುರ್ಹಾನ್ ವಾಣಿಯನ್ನು ಕೊಂದ ನಂತರ ಕಾಶ್ಮೀರ ಕಣಿವೆಯಲ್ಲಿ ಕಳೆದ ಜುಲೈ ನಿಂದ ಅಶಾಂತಿ ನೆಲೆಸಿತ್ತು. ಆದರೆ ಆ ಸಮಯದಲ್ಲಿ ಬುರ್ಹಾನ್ ವಾಣಿ ಹತ್ಯೆ ನೆಪದಲ್ಲಿ ಇನ್ನೂ ಹೆಚ್ಚಿನ ಹಿಂಸೆ ಸೃಷ್ಟಿಸಬಹುದಿತ್ತು ಎಂಬುದು ಪಾಕ್ ಉಗ್ರ ನಾಯಕರ ಅಭಿಪ್ರಾಯ. ಹೀಗಾಗಿಯೇ ಈ ಬಾರಿ ಪ್ರತ್ಯೇಕವಾದಿಗಳಲ್ಲೇ ಕೆಲವರನ್ನು ಮುಗಿಸಿ ಇನ್ನೂ ಹೆಚ್ಚಿನ ಹಿಂಸೆ ಸೃಷ್ಟಿಸುವ ಕೆಲಸಕ್ಕೆ ಮುಂದಾಗಿದ್ದಾರೆ.

ಕಾಶ್ಮೀರದಲ್ಲಿ ಹೆಚ್ಚು ರಕ್ತಪಾತ ಆಗುವಂತೆ ಲಷ್ಕರ್ ಎ ತೊಯ್ಬಾ ಕಮಾಂಡರ್ ಝಾಕಿ ಉರ್ ರೆಹಮಾನ್ ಲಖ್ವಿ ಒಂದು ಯೋಜನೆ ರೂಪಿಸಿದ್ದ, ಆದರೆ ಲಷ್ಕರ್ ತೊಯ್ಬಾ ಮುಖ್ಯಸ್ಥ ಹಫೀಜ್ ಸಯೀದ್ ಯೋಜನೆಯನ್ನು ಬದಿಗಿಟ್ಟು ತನ್ನದೇ ಯೋಜನೆಯಂತೆ ನಡೆದಿದ್ದ.

ಈಗ ಈ ಇಬ್ಬರೂ ಉಗ್ರ ನಾಯಕರ ನಡುವಿನ ಭಿನ್ನಾಭಿಪ್ರಾಯಗಳನ್ನು ಹೋಗಲಾಡಿಸಲು ಪಾಕಿಸ್ತಾನದ ಗುಪ್ತಚರ ಸಂಸ್ಥೆ(ಐಎಸ್ಐ) ಕಣಕ್ಕಿಳಿದಿದೆ. ಕಾಶ್ಮೀರ ಪ್ರತ್ಯೇಕವಾದಿಗಳಲ್ಲಿ ಕೆಲವರನ್ನು ಹತ್ಯೆ ಮಾಡಿ ಹೆಚ್ಚು ರಕ್ತಪಾತ ಸೃಷ್ಟಿಸಿದರೆ, ಕನಿಷ್ಟ ಒಂದು ವರ್ಷದವರೆಗೂ ಅಲ್ಲಿ ಅಶಾಂತಿ ನೆಲೆಸುತ್ತದೆ ಎಂಬುದು ಐಎಸ್ಐ ಮಾಸ್ಟರ್ ಪ್ಲಾನ್.

Click for More Interesting News

Loading...
error: Content is protected !!