ನಕಲಿ ಸೇನಾ ನೇಮಕಾತಿ ಹಗರಣ ಬಯಲು, ನಾಲ್ವರ ಬಂಧನ – News Mirchi

ನಕಲಿ ಸೇನಾ ನೇಮಕಾತಿ ಹಗರಣ ಬಯಲು, ನಾಲ್ವರ ಬಂಧನ

ಜೈಪುರ: ಸೇನೆಯಲ್ಲಿ ಉದ್ಯೋಗ ಕೊಡಿಸುವುದಾಗಿ ಹೇಳಿ ಅಕ್ರಮಕ್ಕೆ ಮುಂದಾದ ನಾಲ್ವರು ವ್ಯಕ್ತಿಗಳನ್ನು ರಾಜಸ್ಥಾನದಲ್ಲಿ ಬಂಧಿಸಲಾಗಿದೆ. ರಾಜಸ್ಥಾನದ ಭಯೋತ್ಪಾದಕ ನಿಗ್ರಹ ಪಡೆ ನಕಲಿ ಸೇನಾ ನೇಮಕಾತಿ ಹಗರಣವನ್ನು ಬಯಲು ಮಾಡಿದೆ. ಬಂಧಿಸಿದ ನಾಲ್ವರಿಂದ ಸುಮಾರು 1 ಕೋಟಿ 80 ಲಕ್ಷ ರೂಪಾಯಿ ನಗದನ್ನು ವಶಪಡಿಸಿಕೊಳ್ಳಲಾಗಿದೆ.

ಸುಮಾರು ಹತ್ತು ವರ್ಷಗಳಿಂದ ಈ ನಾಲ್ವರೂ ಈ ಅಕ್ರಮ ನಡೆಸುತ್ತಿರುವುದಾಗಿ ಪೊಲೀಸರ ಪ್ರಾಥಮಿಕ ತನಿಖೆಯಲ್ಲಿ ತಿಳಿದುಬಂದಿದೆ. ಜೈಪುರ ಪೊಲೀಸ್ ಠಾಣೆಯಲ್ಲಿ ಆ ನಾಲ್ವರ ವಿರುದ್ಧ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ. ರಾಜಸ್ಥಾನ ಎಟಿಎಸ್ ಜೊತೆ ಮಿಲಿಟರಿ ಇಂಟಲಿಜೆನ್ಸ್ ಯೂನಿಟ್ ಈ ಕಾರ್ಯಚರಣೆಯಲ್ಲಿ ಪಾಲ್ಗೊಂಡಿತ್ತು. ಉದ್ಯೋಗ ಕೊಡಿಸುವುದಾಗಿ ನಂಬಿಸಿ ಪ್ರತಿಯೊಬ್ಬರಿಂದ ಸುಮಾರು ನಾಲ್ಕು ಲಕ್ಷ ರೂಪಾಯಿ ವಸೂಲಿ ಮಾಡಿರುವ ಆರೋಪ ಬಂಧಿತರ ಮೇಲಿದೆ. ಅಷ್ಟೇ ಅಲ್ಲದೆ ಉದ್ಯೋಗ ಬಯಸಿದ್ದ ವ್ಯಕ್ತಿಗಳ ಪ್ರಮಾಣ ಪತ್ರಗಳೂ ಬಂಧಿತರು ತಮ್ಮ ಬಳಿಯೇ ಇಟ್ಟುಕೊಂಡಿದ್ದರು.

Click for More Interesting News

Loading...
error: Content is protected !!