Warning: preg_match(): Compilation failed: range out of order in character class at offset 33 in /home1/newsmg7m/public_html/wp-content/plugins/json-api/singletons/api.php on line 294
ರಾಹುಲ್ ಬರುತ್ತಿದ್ದಾರೆ, ಕೇಜ್ರಿವಾಲ್ ಬರುತ್ತಿದ್ದಾರೆ ಅಂತ್ಯಕ್ರಿಯೆ ನಿಲ್ಲಿಸಿ! – News Mirchi

ರಾಹುಲ್ ಬರುತ್ತಿದ್ದಾರೆ, ಕೇಜ್ರಿವಾಲ್ ಬರುತ್ತಿದ್ದಾರೆ ಅಂತ್ಯಕ್ರಿಯೆ ನಿಲ್ಲಿಸಿ!

ಭಿವಾನಿ(ಹರಿಯಾಣ):  ಒನ್ ರ್ಯಾಂಕ್ ಒನ್ ಪೆನ್ಷನ್ ಕುರಿತಂತೆ ಆತ್ಮಹತ್ಯೆ ಮಾಡಿಕೊಂಡ ಮಾಜಿ ಯೋಧ ರಾಮ್ ಕಿಷನ್ ಗ್ರೆವಾಲ್ ಅಂತ್ಯ ಸಂಸ್ಕಾರದ ಸಮಯದಲ್ಲಿ ಕೆಲ ಕಾಲ ಪೊಲಿಟಿಕಲ್ ಡ್ರಾಮ ನಡೆಯಿತು. ಸಮಯಕ್ಕೆ ಸರಿಯಾಗಿ ಅಂತ್ಯಕ್ರಿಯೆ ನಡೆಸಲು ಮೃತನ ಕುಟುಂಬದವರು ನಿರ್ಧರಿಸಿದ್ದರು. ಅದಕ್ಕಾಗಿ ಗ್ರೆವಾಲ್ ಮೃತದೇಹಕ್ಕೆ ಸ್ನಾನ ಕೂಡಾ ಮಾಡಿಸಿದ್ದರು. ಆದರೆ ಅಷ್ಟರೊಳಗೆ ಕಾಂಗ್ರೆಸ್ ಉಪಾಧ್ಯಕ್ಷ ರಾಹುಲ್ ಗಾಂಧಿ ಬರುತ್ತಿದ್ದಾರೆ, ಅಲ್ಲಿಯವರೆಗೂ ಅಂತ್ಯಕ್ರಿಯೆ ನಡೆಸಬೇಡಿ ಎಂದು ಕಾಂಗ್ರೆಸ್ ಕಾರ್ಯಕರ್ತರು ಕುಟುಂಬದವರಿಗೆ ಸೂಚಿಸಿದರು.

ಬೆಳಗ್ಗೆ 10:45 ಕ್ಕೆ ಅಂತೂ ರಾಹುಲ್ ಗಾಂಧಿ ಗ್ರೆವಾಲ್ ಮನೆಗೆ ಭೇಟಿ ನೀಡಿ, ಮೃತನ ಕುಟುಂಬ ಸದಸ್ಯರಿಗೆ ಸಾಂತ್ವನ ಹೇಳಿ ಅಲ್ಲಿಂದ ಅಂತ್ಯಕ್ರಿಯೆ ನಡೆಯಲಿರುವ ಸ್ಮಶಾನಕ್ಕೆ ತೆರಳಿದರು. ಇನ್ನೇನು ರಾಹುಲ್ ಗಾಂಧಿ ಬಂದಿದ್ದಾರೆ ಇನ್ನಾದರೂ ಅಂತ್ಯಕ್ರಿಯೆ ನೆರವೇರಿಸಬಹುದು ಎಂದುಕೊಳ್ಳುತ್ತಿದ್ದಂತೆ, ಅರವಿಂದ್ ಕೇಜ್ರಿವಾಲ್ ಬರುತ್ತಿದ್ದಾರೆ, ಅವರು ಬರುವವರೆಗೂ ಅಂತ್ಯಕ್ರಿಯೆ ಮಾಡುವುದು ಬೇಡ ಎಂದು ಮೃತನ ಕುಟುಂಬ ಸದಸ್ಯರು ಅಂತ್ಯಕ್ರಿಯೆ ಮುಂದೂಡಿದರು. ಹೀಗಾಗಿ ಕೇಜ್ರಿವಾಲ್ ಬರುವವರೆಗೂ ಸ್ಮಶಾನದಲ್ಲಿ 30 ನಿಮಿಷಗಳ ಕಾಲ ರಾಹುಲ್ ಗಾಂಧಿ ಮತ್ತು ಅಂತ್ಯಕ್ರಿಯೆಗೆ ನೆರೆದಿದ್ದವರೆಲ್ಲಾ ಕಾಯಬೇಕಾಗಿ ಬಂತು. ಅಲ್ಲಿಯವರೆಗೂ ರಾಹುಲ್ ತಮ್ಮ ಪಕ್ಷದ ಕಾರ್ಯಕರ್ತರು, ನಾಯಕರೊಂದಿಗೆ ಹರಟೆ ಹೊಡೆಯುತ್ತಿದ್ದರು.

ಮಧ್ಯಾಹ್ನದ ವೇಳೆಗೆ ಅರವಿಂದ್ ಕೇಜ್ರಿವಾಲ್ ಅಲ್ಲಿಗೆ ತಲುಪಿದರು. ಅವರು ಬಂದ ಕೆಲ ನಿಮಿಷಗಳ ನಂತರ ಮೃತ ಮಾಜಿ ಯೋಧನ ಹಿರಿಯ ಮಗ ದಿಲಾವರ್ ತನ್ನ ತಂದೆಯ ಚಿತೆಗೆ ಬೆಂಕಿ ಸ್ಪರ್ಶ ಮಾಡಿದರು. ರಾಹುಲ್, ಕೇಜ್ರಿವಾಲ್ ಜೊತೆಗೆ ತೃಣಮೂಲ ಕಾಂಗ್ರೆಸ್ ಪಕ್ಷದ ಸಂಸದ ಡೆರೆಕ್ ಓಬ್ರಿಯಾನ್ ಕೂಡಾ ಅಂತ್ಯಕ್ರಿಯೆಯಲ್ಲಿ ಪಾಲ್ಗೊಳ್ಳಲು ಬಲ್ಮಾ ಗ್ರಾಮಕ್ಕೆ ಆಗಮಿಸಿದರು. ಇವರೆಲ್ಲಾ ಒನ್ ರ್ಯಾಂಕ್ ಒನ್ ಪೆನ್ಷನ್ ಜಾರಿ ಮಾಡಲಿಲ್ಲವೆಂದು ಮೋದಿಯವರನ್ನು ಟೀಕಿಸಿದರೂ, ಒಬ್ಬರು ಮತ್ತೊಬ್ಬರೊಂದಿಗೆ ಮಾತನಾಡದೆ ಅಂತರ ಕಾಪಾಡಿಕೊಂಡಿದ್ದರು.

Contact for any Electrical Works across Bengaluru

Loading...

Leave a Reply

Your email address will not be published.

error: Content is protected !!