ರೆಡ್ಮಿ ನೋಟ್-5 ಸ್ಪೆಸಿಫಿಕೇಷನ್ಸ್ ಇವೇ… – News Mirchi

ರೆಡ್ಮಿ ನೋಟ್-5 ಸ್ಪೆಸಿಫಿಕೇಷನ್ಸ್ ಇವೇ…

ಬಡ್ಜೆಟ್ ಸ್ಮಾರ್ಟ್ ಫೋನ್ ಗಳಿಂದ ಜಿಯೋಮಿ ಮಾರುಕಟ್ಟೆಯಲ್ಲಿ ಸಂಚಲನ ಸೃಷ್ಟಿಸುತ್ತಿರುವುದು ತಿಳಿದಿರುವ ವಿಷಯವೇ. ರೆಡ್ಮಿ ನೋಟ್4 ಯಶಸ್ವಿಯಾದ ಹಿನ್ನೆಲೆಯಲ್ಲಿ, ಮತ್ತೊಂದು ಬಡ್ಜೆಟ್ ಸ್ಮಾರ್ಟ್ ಫೋನ್ ರೆಡ್ಮಿ ನೋಟ್-5 ಹೊರತರುತ್ತಿದೆ.

ಸದ್ಯ ಈ ಸ್ಮಾರ್ಟ್ ಫೋನ್ ಪೂರ್ಣ ವಿವರಗಳು ಆನ್ಲೈನ್ ನಲ್ಲಿ ಲೀಕ್ ಆಗಿವೆ. ಒರಿಜಿನಲ್ ರೆಡ್ಮಿ ನೋಟ್4 ನಂತೆಯೇ ಇದು ಫುಲ್ ಮೆಟಲ್ ಬಾಡಿ ಹೊಂದಿರುತ್ತದೆ ಎನ್ನಲಾಗುತ್ತಿದೆ. ಆದರೆ ಈ ಬಾರಿ ಬಿಡುಗಡೆಯಾಗಲಿರುವ ಮಾದರಿಯಲ್ಲಿ ಫಿಂಗ್ ಪ್ರಿಂಟ್ ಸ್ಕ್ಯಾನರ್ ನಲ್ಲಿ ಸ್ವಲ್ಪ ಬದಲಾವಣೆಗಳನ್ನು ಕಾಣಬಹುದು. ರೆಡ್ಮಿ ನೋಟ್-4 ಗೆ ಫಿಂಗರ್ ಪ್ರಿಂಟ್ ಸ್ಕ್ಯಾನರ್ ಹಿಂಬದಿಯಲ್ಲಿದ್ದರೆ, ಈ ಫೋನ್ ನಲ್ಲಿ ಅದು ಮುಂಭಾಗದಲ್ಲಿ ಇರಲಿದೆಯಂತೆ.

ಬಹಿರಂಗವಾದ ಮಾಹಿತಿಗಳ ಪ್ರಕಾರ ನೋಟ್-5 ಸ್ಮಾರ್ಟ್ ಫೋನ್ 5.5 ಇಂಚಿನ ಡಿಸ್ ಪ್ಲೇ ಜತೆಗೆ, ಕ್ವಾಲ್ ಕಾಮ್ ಸ್ನಾಪ್ ಡ್ರ್ಯಾಗನ್ 630 ಪ್ರೊಸೆಸರ್ ಹೊಂದಿದೆ. 3ಜಿಬಿ/4ಜಿಬಿ ರ್ಯಾಮ್, 32/64 ಜಿಬಿ ಇಂಟರ್ನಲ್ ಸ್ಟೋರೇಜ್, 16 ಎಂ.ಪಿ ಹಿಂಬದಿ ಕ್ಯಾಮೆರಾ, 13 ಮೆಗಾ ಪಿಕ್ಸೆಲ್ ಫ್ರಂಟ್ ಕ್ಯಾಮೆರಾ, ಚಾರ್ಜಿಂಗ್ ಗಾಗಿ ಯುಎಸ್ಬಿ ಟೈಪ್-ಸಿ, ಬ್ಲೂಟೂತ್ 5.0 ಕನೆಕ್ಟಿವಿಟಿ, 3,790 ಎಂ.ಎ.ಹೆಚ್ ಬ್ಯಾಟರಿ ಸಾಮರ್ಥ್ಯ ಇದರ ವೈಶಿಷ್ಟ್ಯಗಳು.

ಎಂ.ಐ.ಯು.ಐ ಆಧಾರಿತ ಆಂಡ್ರಾಯ್ಡ್ 7.1.1 ನೌಗಟ್ ಆಪರೇಟಿಂಗ್ ಸಿಸ್ಟಮ್ ನಿಂದ ಇದು ಕೆಲಸ ಮಾಡಲಿದೆ ಎನ್ನಲಾಗುತ್ತಿದೆ. ಬೆಲೆ ಎಷ್ಟಿರಬಹುದು ಎಂಬುದರ ಬಗ್ಗೆ ಮಾಹಿತಿ ಇಲ್ಲ.

Contact for any Electrical Works across Bengaluru

Loading...
error: Content is protected !!