ಅನೈತಿಕ ಸಂಬಂಧ, ಮಹಿಳೆಗೆ ಕೇಶಮುಂಡನ ಮಾಡಿದ ಗ್ರಾಮಸ್ಥರು!

ಪಾಟ್ನಾ: ಅಕ್ರಮ ಸಂಬಂಧ ಹೊಂದಿದ್ದಾಳೆಂದು ಆರೋಪಿಸಿ ವಿವಾಹಿತ ಮಹಿಳೆಗೆ ಹಳ್ಳಿಯ ಗುಂಪೊಂದು ಕೇಶ ಮುಂಡನ ಮಾಡಿಸಿ ಕಣ್ಣು ಹುಬ್ಬು ಶೇವ್ ಮಾಡಿರುವ ಅಮಾನವೀಯ ಘಟನೆ ಬಿಹಾರ್ ಬಾಗಲ್ಪುರ ಜಿಲ್ಲೆಯಲ್ಲಿ ನಡೆದಿದೆ.

ಬಾಗಲ್ಪುರ ಜಿಲ್ಲೆಯಿಂದ 25 ಕಿಲೋ ಮೀಟರ್ ದೂರದ ಹಳ್ಳಿಯೊಂದರಲ್ಲಿ ಹಳ್ಳಿಯ ಮತ್ತೊಬ್ಬ ವ್ಯಕ್ತಿ ರಂಜೀತ್ ಪಾಸ್ವಾನ್ ಎಂಬಾತನ ಜೊತೆ ಮನೆಯಲ್ಲಿ ಮಹಿಳೆ ಇದ್ದ ಸಂದರ್ಭದಲ್ಲಿ ಗುಂಪೊಂದು ನುಗ್ಗಿ ಪಾಸ್ವಾನ್ ನನ್ನು ಥಳಿಸಿದ್ದಾರೆ, ನಂತರ ಆಕೆಗೆ ಕೇಶ ಮುಂಡನ ಮಾಡಿಸಿದ್ದಾರೆ. ಆಕೆಯ ಗಂಡ ಜೀವನಾಧಾರಕ್ಕಾಗಿ ಪಶ್ಚಿಮ ಬಂಗಾಳದ ಮಾಲ್ಡಾದಲ್ಲಿದ್ದಾನೆ ಎನ್ನಲಾಗಿದೆ.

ಘಟನೆಗೆ ಸಂಬಂಧಿಸಿದಂತೆ 16 ಜನರ ವಿರುಧ್ಧ ಪ್ರಕರಣ ದಾಖಲಾಗಿದೆ. ಇನ್ನೂ 100 ವ್ಯಕ್ತಿಗಳನ್ನೂ ಆಕೆ ಹೆಸರಿಸಿದ್ದಾಳೆ ಎನ್ನಲಾಗಿದ್ದು, ಘಟನೆಗೆ ಸಂಬಂಧಿಸಿದಂತೆ ಪೊಲೀಸರು ನಾಲ್ವರನ್ನು ಬಂಧಿಸಿದ್ದಾರೆ.

Loading...

Leave a Reply

Your email address will not be published.

error: Content is protected !!