ಮಾತೃತ್ವ ಯೋಜನೆಗೆ ಯಾರು ಅರ್ಹರು, ಯಾವಾಗ ಎಷ್ಟು ಹಣ? – News Mirchi
We are updating the website...

ಮಾತೃತ್ವ ಯೋಜನೆಗೆ ಯಾರು ಅರ್ಹರು, ಯಾವಾಗ ಎಷ್ಟು ಹಣ?

ಗರ್ಭಿಣಿ ಮಹಿಳೆಯರ ಪೌಷ್ಟಿಕ ಆಹಾರ ಕೊರತೆ ನಿವಾರಿಸುವ ನಿಟ್ಟಿನಲ್ಲಿ ಸರ್ಕಾರ ಮಹತ್ವದ ಹೆಜ್ಜೆಯಿಟ್ಟಿದೆ. ಸೂಕ್ತ ಪೌಷ್ಟಿಕ ಆಹಾರ ಸೇವಿಸುವಂತಾಗಲು ಅವರಿಗೆ ಸರ್ಕಾರದ ವತಿಯಿಂದ ರೂ. 6,000 ನೀಡಲಿದೆ. ಈ ಕುರಿತು ಡಿಸೆಂಬರ್ 31 ರಂದು ಪ್ರಧಾನಿ ಮೋದಿ ತಮ್ಮ‌ ಭಾಷಣದಲ್ಲಿ ಘೋಷಿಸಿದ್ದರು. ಇದಕ್ಕಾಗಿ ‘ಮಾತೃತ್ವ ಪ್ರಯೋಜನ ಯೋಜನೆ(ಎಂಬಿಪಿ)’ ಹೆಸರಿನಲ್ಲಿ ವಿಶೇಷ ಯೋಜನೆಯನ್ನು ಕೇಂದ್ರ ಮಹಿಳಾ ಮತ್ತು ಕಲ್ಯಾಣ ಇಲಾಖೆ ಹೊರತಂದಿದೆ.

ಗರ್ಭಿಣಿ, ಬಾಣಂತಿ ಮಹಿಳೆಯರಿಗೆ ನೀಡಲಿರುವ 6 ಸಾವಿರ ಹಣವನ್ನು ಮೂರು ಕಂತುಗಳಲ್ಲಿ ನೀಡಲಾಗುತ್ತದೆ. ಗರ್ಭ ಧರಿಸಿದ್ದನ್ನು ನೋಂದಣಿ ಮಾಡಿಕೊಂಡಾಗ ರೂ.3,000, ಆಸ್ಪತ್ರೆಯಲ್ಲಿ ಹೆರಿಗೆಯಾದಾಗ ರೂ.1,500 ಮತ್ತು ಮಗು ಹುಟ್ಟಿದ ಮೂರು ತಿಂಗಳಿಗೆ ರೂ.1,500 ನೀಡುತ್ತಾರೆ. ಮೊದಲ ಎರಡು ಹೆರಿಗೆಗಳಿಗಷ್ಟೇ ಈ ಯೋಜನೆಯ ಲಾಭ ದೊರೆಯಲಿದೆ.

ಕೇಂದ್ರ, ರಾಜ್ಯ ಸರ್ಕಾರಗಳು, ಸರ್ಕಾರಿ ಸಂಸ್ಥೆಗಳಲ್ಲಿ ಕೆಲಸ ಮಾಡುವ ಖಾಯಂ ಉದ್ಯೋಗಿಗಳಿಗೆ ಹೊರತುಪಡಿಸಿ ಎಲ್ಲಾ ಜಾತಿಯ, ಧರ್ಮದ ಗರ್ಭಿಣಿ ಮತ್ತು ಬಾಣಂತಿಯರಿಗೆ ಈ ಯೋಜನೆ ಅನ್ವಯವಾಗಲಿದೆ. ನೇರವಾಗಿ ಮಹಿಳೆಯರ ಖಾತೆಗಳಿಗೆ ಈ ಹಣ ವರ್ಗಾವಣೆಯಾಗಿತ್ತದೆ. ಇದಕ್ಕಾಗುವ ವೆಚ್ಚಗಳನ್ನು ಕೇಂದ್ರ – ರಾಜ್ಯ ಸರ್ಕಾರಗಳು ಕ್ರಮವಾಗಿ ಶೇ.60, ಶೇ.40 ರಷ್ಟು ಭರಿಸುತ್ತವೆ.

Contact for any Electrical Works across Bengaluru

Loading...

Leave a Reply

Your email address will not be published.

error: Content is protected !!