ಒಂದೇ ದಿನ ಇಬ್ಬರು ಪ್ರಧಾನಿಗಳ ರಾಜೀನಾಮೆ! – News Mirchi

ಒಂದೇ ದಿನ ಇಬ್ಬರು ಪ್ರಧಾನಿಗಳ ರಾಜೀನಾಮೆ!

ವೆಲ್ಲಿಂಗ್ಟನ್: ವಿಶ್ವ ರಾಜಕೀಯದಲ್ಲಿ ಎರಡು ಮಹತ್ವದ ಬೆಳವಣಿಗೆಗಳಾಗಿವೆ. ಸೋಮವಾರ ನ್ಯೂಜಿಲೆಂಡ್ ಪ್ರಧಾನಿ ಜಾನ್ ಕೀ ರಾಜೀನಾಮೆ ನೀಡುವುದಾಗಿ ಪ್ರಕಟಿಸಿದರೆ, ಇದೇ ದಿನ ಇಟಲಿ ಪ್ರಧಾನಿ ಮಟ್ಟೆಯೊ ರೆಂಜೀ ಕೂಡಾ ರಾಜೀನಾಮೆ ಮಾಡಿದ್ದಾರೆ.

8 ವರ್ಷಗಳಿಂದ ನ್ಯೂಜಿಲೆಂಡ್ ಪ್ರಧಾನಮಂತ್ರಿ ಆಗಿ ಮುಂದುವರೆಯುತ್ತಾ, ಜನಪ್ರಿಯ ನಾಯಕನೆಂದು ಗುರುತಿಸಿಕೊಂಡಿರುವ ಜಾನ್ ಕೀ, ಮುಂದಿನ ವರ್ಷ ನಡೆಯಲಿರುವ ಚುನಾವಣೆಯಲ್ಲೂ ಸ್ಪರ್ಧಿಸುತ್ತಾರೆ ಎಂದೇ ಎಲ್ಲರೂ ಭಾವಿಸಿದ್ದರು. ಆದರೆ ಜನರಲ್ಲಿ ಉತ್ತಮ ನಾಯಕನೆಂಬ ಭಾವನೆ ಇದ್ದಾಗಲೇ ಹುದ್ದೆಯಿಂದ ಕೆಳಗಿಳಿಯಬೇಕು ಎಂದು ತೀರ್ಮಾನಿಸಿರುವ ಜಾನ್ ಕೀ ಈ ನಿರ್ಧಾರಕ್ಕೆ ಬಂದಿದ್ದಾರೆ.

ನ್ಯೂಜಿಲೆಂಡ್ ಪ್ರಧಾನಿ ಸ್ವ ಇಚ್ಛೆಯಿಂದ ರಾಜೀನಾಮೆ ನಿರ್ಧಾರ ಪ್ರಕಟಿಸಿದರೆ, ಇಟಲಿ ಪ್ರಧಾನಿ ರೆಂಜೀ ರಾಜೀನಾಮೆ ನೀಡಿದ್ದಾರೆ. ಸಂವಿಧಾನ ತಿದ್ದುಪಡಿ ಕುರಿತ ಜನಾಭಿಪ್ರಾಯ ಸಂಗ್ರಹದಲ್ಲಿ ಫಲಿತಾಂಶ ವಿರುದ್ಧವಾಗಿ ಬಂದ ಕಾರಣ ರಾಜೀನಾಮೆ ನೀಡಿದ್ದಾರೆ.

Click for More Interesting News

Loading...

Leave a Reply

Your email address will not be published.

error: Content is protected !!