ತ್ರಿಶತಕದ ಬೆಲೆ ನಂತರ ತಿಳಿಯಿತು: ಕರುಣ್ ನಾಯರ್ |News Mirchi

ತ್ರಿಶತಕದ ಬೆಲೆ ನಂತರ ತಿಳಿಯಿತು: ಕರುಣ್ ನಾಯರ್

ಇಂಗ್ಲೆಂಡ್ ವಿರುದ್ಧ ನಡೆದ ಟೆಸ್ಟ್ ಪಂದ್ಯದಲ್ಲಿ ತ್ರಿಶತಕ ಸಿಡಿಸಿದ ಟೀಮ್ ಇಂಡಿಯಾ ಯುವ ಆಟಗಾರ ಕರುಣ್ ನಾಯರ್ ಸ್ಟಾರ್ ಕ್ರಿಕೆಟರ್ ಆಗಿ ಬದಲಾಗಿದ್ದಾರೆ. ಈ ಸಾಧನೆ ಮಾಡಿದ ಭಾರತದ ಎರಡನೇ ಆಟಗಾರ ಎಂಬ ಕೀರ್ತಿಗೆ ಅವರು ಪಾತ್ರರಾಗಿದ್ದಾರೆ. ಎಲ್ಲರೂ ತ್ರಿಶತಕದ ಬಗ್ಗೆ ಮಾತನಾಡಲು ಆರಂಭಿಸಿದ ನಂತರ ತ್ರಿಶತಕದ ಬೆಲೆ ತಿಳಿಯಿತು ಎಂದು ಕರುಣ್ ಹೇಳಿದ್ದಾರೆ.

ಕುಟುಂಬ ಸದಸ್ಯರು, ಟೀನ್ ಮ್ಯಾನೇಜ್ಮೆಂಟ್ ತುಂಬಾ ಬೆಂಬಲ ನೀಡಿದರು. ಟ್ರಿಪಲ್ ಸೆಂಚುರಿ ಮಾಡಿದ ನಂತರ ಎಲ್ಲರೂ ಅಭಿನಂದಿಸಿದರು. ಪಂದ್ಯದಲ್ಲಿ ಸೆಂಚುರಿ ಮಾಡಿದ ನಂತರ ಒತ್ತಡದಿಂದ ಹೊರಬಿದ್ದೆ. ತಂಡಕ್ಕೆ ಲೀಡ್ ಸಿಕ್ಕಾಗ ಸ್ವತಂತ್ರವಾಗಿ ಆಡುವಂತೆ ನನಗೆ ಸೂಚನೆ ಬಂದಿತು. ಟ್ರಿಪಲ್ ಸೆಂಚುರಿಗೆ ತಂಡದ ಸೂಚನೆಗಳು ಸಹಕಾರಿಯಾದವು ಎಂದು ಕರುಣ್ ನಾಯರ್ ಹೇಳಿದ್ದಾರೆ.

ನನ್ನ ಶೈಲಿಯಲ್ಲಿ ಮನಬಂದಂತೆ ಆಟವಾಡಿದೆ. 280 ರನ್ ಮಾಡಿದ್ದಾಗ ತ್ರಿಶತಕ ಮಾಡಲು ಅವಕಾಶವಿದೆ ಎಂದು ಬ್ಯಾಟಿಂಗ್ ಪಾರ್ಟನರ್ ರವೀಂದ್ರ ಜಡೇಜಾ ಹೇಳಿದರು. ಹೀಗಾಗಿ ತ್ರಿಶತಕ ಮಾಡಬಲ್ಲೆ ಎಂಬ ನಂಬಿಕೆ ಬಂದಿತು. ಅನಿಲ್ ಕುಂಬ್ಳೆ ಅವರ ಕರೆಯಿಂದಾಗಿ ನಮ್ಮ ತಂದೆತಾಯಿಗಳು ಪಂದ್ಯ ನೋಡಲು ಸ್ಟೇಡಿಯಂಗೆ ಆಗಮಿಸಿದ್ದರು. ತಂದೆ ತಾಯಿಗಳು ತ್ರಿಶತಕ ಗಳಿಸಿದ್ದು ನೋಡಿದ್ದಕ್ಕೆ ಸಂತೋಷವಾಗಿದೆ ಎಂದು ನಾಯರ್ ಸಂದರ್ಶನದಲ್ಲಿ ಹೇಳಿದ್ದಾರೆ.

Loading...
loading...
error: Content is protected !!