ಐಟಿ ಅಧಿಕಾರಿಗಳಿಗೆ ದಾರಿ ತೋರುತ್ತಿವೆಯಾ ಹೊಸ ನೋಟು? |News Mirchi

ಐಟಿ ಅಧಿಕಾರಿಗಳಿಗೆ ದಾರಿ ತೋರುತ್ತಿವೆಯಾ ಹೊಸ ನೋಟು?

​ಕೆಲವು ದಿನಗಳಿಂದ ದೇಶದಲ್ಲಿ ದಾಳಿ ನಡೆಸುತ್ತಿರುವ ತೆರಿಗೆ ಇಲಾಖೆ ಅಧಿಕಾರಿಗಳು, ಕೋಟ್ಯಾಂತರ ರೂಪಾಯಿ ಮೌಲ್ಯದ 2000 ರೂಪಾಯಿ ನೋಟುಗಳನ್ನು ಸ್ವಾಧೀನ ಪಡಿಸಿಕೊಳ್ಳುತ್ತಿದ್ದಾರೆ. ಏಕಾಏಕಿ ಇಂತಹ ಯಶಸ್ವಿ ದಾಳಿಗಳು ನಡೆಯುತ್ತಿದ್ದು, ದಾಳಿ ನಡೆದ ಕಡೆಯಲ್ಲೆಲ್ಲಾ ಹೊಸ ನೋಟುಗಳನ್ನು ಅಕ್ರಮವಾಗಿ ಸಂಗ್ರಹಿಸಿರುವುದು ಪತ್ತೆಯಾಗುತ್ತಿವೆ. ಈ ಹಿನ್ನೆಲೆಯಲ್ಲಿ ಹೊಸ 2000 ರ ನೋಟಿನಲ್ಲಿ ಏನಿರಬಹುದು ಎಂಬ ಪ್ರಶ್ನೆಗಳು ಏಳುತ್ತಿವೆ.

ಈ ಹಿಂದೆ ಹೊಸ ನೋಟಿನಲ್ಲಿ ಚಿಪ್ ಅಳವಡಿಸಲಾಗಿದೆ, ಅದರಿಂದಾಗಿ ಆ ನೋಟುಗಳನ್ನು ಎಲ್ಲಿ ಅಡಗಿಸಿದರೂ ಪತ್ತೆ ಹಚ್ಚಬಹುದು ಎಂಬ ವದಂತಿಗಳು ಹಬ್ಬಿದ್ದವು. ಆದರೆ ಸ್ವತಃ ರಿಸರ್ವ್ ಬ್ಯಾಂಕ್ ಇದನ್ನು ಅಲ್ಲಗೆಳೆದಿತ್ತು.

  • No items.

ಇದೀಗ ಮತ್ತೊಂದು ರೀತಿಯ ಸುದ್ದಿಗಳು ಹರಿದಾಡುತ್ತಿವೆ. ಅದೇನೆಂದರೆ ಹೊಸ ನೋಟುಗಳಲ್ಲಿ ರೇಡಿಯೋ ಆಕ್ಟೀವ್ ಇಂಕ್ ಇದ್ದು, ಅದರ ಸಹಾಯದಿಂದಲೇ ಐಟಿ ಅಧಿಕಾರಿಗಳು ಅಡಗಿಸಿಟ್ಟ ಹೊಸ ನೋಟುಗಳನ್ನು ಪತ್ತೆ ಹಚ್ಚುತ್ತಿದ್ದಾರೆ ಎನ್ನಲಾಗುತ್ತಿದೆ.

ಹೊಸ ನೋಟುಗಳಲ್ಲಿ ಫಾಸ್ಫರಸ್-32 ಎಂಬ ರೇಡಿಯೋ ಆಕ್ಟೀವ್ ಇಂಕ್, ವಿಕಿರಣ ಹೊರಸೂಸುತ್ತದೆ. ಹೀಗಾಗಿ ಭಾರೀ ಮೊತ್ತದ 2000 ರೂಪಾಯಿಗಳ ನೋಟು ಒಂದು ಕಡೆ ಇಟ್ಟಾಗ ಆ ವಿಕಿರಣದ ಪ್ರಮಾಣ ಹೆಚ್ಚುತ್ತದೆ. ಐಟಿ ಅಧಿಕಾರಿಗಳು ಈ ರೇಡಿಯೋ ವಿಕಿರಣ ಪತ್ತೆ ಹಚ್ಚುವ ಉಪಕರಣಗಳನ್ನು ಬಳಸಿ ಹೆಚ್ಚು ರೇಡಿಯೇಷನ್ ಹೊರಸೂಸುವ ಪ್ರದೇಶಗಳ ಮೇಲೆ ದಾಳಿ ನಡೆಸಿ ಕಪ್ಪು ಹಣವನ್ನು ಪತ್ತೆ ಹಚ್ಚುತ್ತಿದ್ದಾರೆ ಎನ್ನಲಾಗುತ್ತಿದೆ. ಆದರೆ ಈ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿಗಳಲಿಲ್ಲದ ಕಾರಣ ಸತ್ಯಾಸತ್ಯತೆ ಇನ್ನಷ್ಟೇ ತಿಳಿಯಬೇಕಿದೆ.

Loading...
loading...
error: Content is protected !!