ಜೇಬಿನಲ್ಲೇ ಸ್ಯಾಮ್ಸಂಗ್ ಸ್ಮಾರ್ಟ್ ಫೋನ್ ಸ್ಪೋಟ – News Mirchi

ಜೇಬಿನಲ್ಲೇ ಸ್ಯಾಮ್ಸಂಗ್ ಸ್ಮಾರ್ಟ್ ಫೋನ್ ಸ್ಪೋಟ

ಸ್ಯಾಮ್ಸಂಗ್ ಕಂಪನಿಯ ಸ್ಮಾರ್ಟ್ ಫೋನ್ ಒಂದು ಮತ್ತೆ ಸ್ಪೋಟಗೊಂಡಿದೆ. ಆದರೆ ಈ ಹಿಂದೆ ನಡೆದಂತೆ ಚಾರ್ಜಿಂಗ್ ನಲ್ಲಿರುವಾಗ ಅಥವಾ ಫೋನ್ ನಲ್ಲಿ ಮಾತನಾಡುತ್ತಿರುವಾಗ ಈ ಘಟನೆ ನಡೆದಿಲ್ಲ, ಬದಲಿಗೆ ಜೇಬಿನಲ್ಲಿ ಇಡುತ್ತಿರುವಂತೆಯೇ ಸ್ಪೋಟಗೊಂಡಿದೆ. ಈ ಫೋನ್ ಸ್ಪೋಟಗೊಂಡ ವೀಡಿಯೋ ಇದೀಗ ಸಾಮಾಜಿಕ ತಾಣಗಳಲ್ಲಿ ವೈರಲ್ ಆಗಿದೆ.

ಈ ಬಾರಿ ಸ್ಪೋಟಗೊಂಗಡಿದ್ದು ಗ್ಯಾಲಾಕ್ಸಿ ನೋಟ್ 7 ಅಲ್ಲ, ಸ್ಯಾಮ್ಸಂಗ್ ಗ್ರ್ಯಾಂಡ್ ಡ್ಯುಯೋಸ್ ಸ್ಮಾರ್ಟ್ ಫೋನ್. ಡೈಲಿ ಮೇಲ್ ವರದಿ ಪ್ರಕಾರ, 47 ವರ್ಷದ ಹೋಟೆಲ್ ಸೂಪರ್ ವೈಸರ್ ಯುಲಿಯಾನ್ಟೋ ಎಂಬಾತ ಇಂಡೋನೇಷ್ಯಾದಲ್ಲಿನ ಹೋಟೆಲೊಂದರ ಲಾಬಿಯಲ್ಲಿದ್ದ. ಇದ್ದಕ್ಕಿದ್ದಂತೆ ಜೇಬಿನಲ್ಲಿ ಬಿಸಿಯಾದಂತೆ ಕಂಡುಬಂದಿದೆ. ನಂತರ ಇದ್ದಕ್ಕಿದ್ದಂತೆ ಜೇಬಿನಲ್ಲಿಯೇ ಆ ಸ್ಮಾರ್ಟ್ ಫೋನ್ ಸ್ಪೋಟಗೊಂಡಿದೆ. ಕೂಡಲೇ ಆ ಬೆಂಕಿ ಆತನ ಅಂಗಿಗೆ ತಗುಲಿದೆ. ನಂತರ ಆ ಕೋಣೆಯಲ್ಲಾ ಹೊಗೆ ಆವರಿಸಿತು.

ಘಟನೆಯಲ್ಲಿ ಯುಲಿಯಾನ್ಟೋ ಮುಖಕ್ಕೆ ಗಾಯಗಳಾಗಿವೆ. ಈ ಶಾಕ್ ನಿಂದ ಹೊರಬಂದು ಕೂಡಲೇ ಅಂಗಿ ಬಿಚ್ಚಿ ಎಸೆದಿದ್ದಾಗಿ ಯುಲಿಯಾನ್ಟೋ ಹೇಳಿದ್ದಾನೆ. ಈ ಘಟನೆ ಸೆಪ್ಟೆಂಬರ್ 30 ರಂದು ನಡೆದಿದ್ದು, ಇದೆಲ್ಲಾ ಆ ಹೋಟೆಲ್ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಸ್ಯಾಮ್ಸಂಗ್ ಈ ಫೋನ್ ಅನ್ನು 2013 ರಲ್ಲಿ ಬಿಡುಗಡೆ ಮಾಡಿತ್ತು. ಫೋನ್ ನಲ್ಲಿ ಏಕ ಕಾಲದಲ್ಲಿ ವೈಫೈ, ಬ್ಲೂಟೂತ್, ಜಿಪಿಎಸ್ ಆನ್ ಮಾಡಿ ಬಳಸಿದ್ದರಿಂದ ಹೀಗಾಗಿರಬಹುದು ಎಂದು ಭಾವಿಸುತ್ತಿದ್ದಾರೆ.

Get Latest updates on WhatsApp. Send ‘Add Me’ to 8550851559

Contact for any Electrical Works across Bengaluru

Loading...
error: Content is protected !!