ಭಾರತದಂತಹ ಬಡ ದೇಶಗಳಿಗೆ ಸ್ನ್ಯಾಪ್ ಚಾಟ್ ಬೇಡ ಎಂದಿದ್ದ ಸಿಇಒ? – News Mirchi
We are updating the website...

ಭಾರತದಂತಹ ಬಡ ದೇಶಗಳಿಗೆ ಸ್ನ್ಯಾಪ್ ಚಾಟ್ ಬೇಡ ಎಂದಿದ್ದ ಸಿಇಒ?

ಭಾರತದಂತಹ ಬಡ ದೇಶಗಳಲ್ಲಿ ತಮ್ಮ ವ್ಯಾಪಾರವನ್ನು ವಿಸ್ತರಿಸಲು ಆಸಕ್ತಿ ಇಲ್ಲ ಎಂದು ಸ್ನ್ಯಾಪ್ ಚಾಟ್ ಸಿಇಒ ಈವನ್ ಸ್ಪೀಗೆಲ್ ಹೇಳಿದ್ದರು ಎಂಬುದನ್ನು ಸ್ನ್ಯಾಪ್ ಚಾಟ್ ಮಾಜಿ ಉದ್ಯೋಗಿಯೊಬ್ಬರು ಬಹಿರಂಗ ಪಡಿಸಿದ್ದಾರೆ.

ಸ್ನ್ಯಾಪ್ ಚಾಟ್ ನ ಮಾಜಿ ಉದ್ಯೋಗಿಯ ಮಾತನ್ನು ಉಲ್ಲೇಖಿಸಿ ಅಮೆರಿಕದ ವೆಬ್ಸೈಟ್ ಒಂದು ವರದಿ ಮಾಡಿದೆ. 2015 ರಲ್ಲಿ ನಡೆದ ಸಭೆಯಲ್ಲಿ ಭಾರತ ಮತ್ತು ಸ್ಪೇನ್ ನಂತಹ ಬಡ ದೇಶಗಳಲ್ಲಿ ವ್ಯಾಪಾರ ವಿಸ್ತರಿಸಲು ಆಸಕ್ತಿಯಿಲ್ಲ. ಸ್ನ್ಯಾಪ್ ಚಾಟ್ ಮೆಸೇಜಿಂಗ್ ಮೊಬೈಲ್ ಆಪ್ ಕೇವಲ ಶ್ರೀಮಂತರಿಗೆ ಮಾತ್ರ, ಬಡದೇಶಗಳಲ್ಲಿ ಇದನ್ನು ವಿಸ್ತರಿಸಲು ಇಷ್ಟವಿಲ್ಲ ಎಂದು ಸ್ಪೀಗೆಲ್ ಹೇಳಿದ್ದಾಗಿ ವರದಿ ಮಾಡಿದೆ. ಆದರೆ ಈ ಆರೋಪಗಳನ್ನು ಸ್ನ್ಯಾಪ್ ಚಾಟ್ ಸಂಸ್ಥೆ ಅಲ್ಲಗೆಳೆದಿದೆ. [ಪಂಚಾಯ್ತಿಯಿಂದ ಪಾರ್ಲಿಮೆಂಟ್ ವರೆಗೆ ಗೆದ್ದಾಗಲೇ ಬಿಜೆಪಿಯ ಸುವರ್ಣಯುಗ : ಅಮಿತ್ ಶಾ ]

ಬಡ ದೇಶವೆಂಬ ಕಾರಣಕ್ಕೆ ತಮ್ಮ ಉದ್ಯಮವನ್ನು ಭಾರತಕ್ಕೆ ವಿಸ್ತರಿಸಲು ಸ್ನ್ಯಾಪ್ ಚಾಟ್ ಸಿಇಒ ಹಿಂದೇಟು ಹಾಕಿದ್ದ ಸಮಯದಲ್ಲೇ, ಗೂಗಲ್, ಫೇಸ್ಬುಕ್, ಅಮೆಜಾನ್, ಮೈಕ್ರೋಸಾಫ್ಟ್ ಮತ್ತು ಟೆಸ್ಲಾ ನಂತಹ ದೈತ್ಯ ಕಂಪನಿಗಳು ಭಾರತದಲ್ಲಿ ತಮ್ಮ ಆದಾಯ ಹೆಚ್ಚಳಕ್ಕೆ ಭಾರತದಲ್ಲಿ ಆಫ್ ಲೈನ್ ಆಪ್ ಗಳು ಸೇರಿದಂತೆ ಹೊಸ ಹೊಸ ಸೇವೆಗಳನ್ನು ಆರಂಭಿಸಲು ತಯಾರಿ ನಡೆಸಿದ್ದು ಗಮನಾರ್ಹ.

ಭಾರತ ಸ್ಮಾರ್ಟ್ ಫೋನ್ ಮಾರುಕಟ್ಟೆಯಲ್ಲಿ ವೇಗವಾಗಿ ಬೆಳೆಯುತ್ತಿದೆಯಲ್ಲದೇ, ಸ್ಮಾರ್ಟ್ ಫೋನ್ ಮಾರುಕಟ್ಟೆಯಲ್ಲಿ ವಿಶ್ವದಲ್ಲೇ ಎರಡನೇ ಸ್ಥಾನದಲ್ಲಿದೆ. ರಿಲಯನ್ಸ್ ಜಿಯೋ ಅಗ್ಗದ ದರದಲ್ಲಿ ಡಾಟಾ ಸೇವೆ ನೀಡಲು ಆರಂಭಿಸಿದ ನಂತರ, ಇತರೆ ಟೆಲಿಕಾಂ ಕಂಪನಿಗಳೂ ಅನ್ಯಮಾರ್ಗವಿಲ್ಲದೆ ಡಾಟಾ ದರಗಳನ್ನು ಕಡಿಮೆ ಮಾಡಲೇಬೇಕಾಯಿತು. ಇದರ ಪರಿಣಾಮ ಭಾರತದಲ್ಲಿ ಇಂಟರ್ನೆಟ್ ಬಳಸುವವರ ಸಂಖ್ಯೆಯಲ್ಲೂ ಗಣನೀಯವಾಗಿ ಏರಿಕೆ ಕಂಡಿದೆ.

Contact for any Electrical Works across Bengaluru

Loading...
error: Content is protected !!