ದರ ಸಮರ: ಮೊಬೈಲ್ ಆಪರೇಟರ್ ಗಳಿಗೆ ಹೊಸ ನಿಯಮಗಳು ಶೀಘ್ರ – News Mirchi
We are updating the website...

ದರ ಸಮರ: ಮೊಬೈಲ್ ಆಪರೇಟರ್ ಗಳಿಗೆ ಹೊಸ ನಿಯಮಗಳು ಶೀಘ್ರ

ಟೆಲಿಕಾಂ ಕ್ಷೇತ್ರಕ್ಕೆ ಕಾಲಿಡುತ್ತಿದ್ದಂತೆ ಅಗ್ಗದ ದರಗಳಲ್ಲಿ ಸೇವೆ ನೀಡುವ ಮೂಲಕ ಪ್ರತಿಸ್ಪರ್ಧಿ ಕಂಪನಿಗಳಲ್ಲಿ ನಡುಕ ಹುಟ್ಟಿಸಿದ್ದ ರಿಲಯನ್ಸ್ ಜಿಯೋ ವಿರುದ್ಧ ಭಾರ್ತಿ ಏರ್ಟೆಲ್, ವೊಡಾಫೋನ್ ಮತ್ತು ಐಡಿಯಾ ಸಂಸ್ಥೆಗಳು ಆಕ್ರೋಶ ವ್ಯಕ್ತಪಡಿಸುತ್ತಾ ಬರುತ್ತಿರುವುದು ತಿಳಿದದ್ದೇ. ಇದೀಗ ಭಾರತದ ಟೆಲಿಕಾಂ ನಿಯಂತ್ರಕ ಪ್ರಾಧಿಕಾರವು ಟೆಲಿಕಾಂ ಕಂಪನಿಗಳು ನಿಗದಿಪಡಿಸುವ ದರಗಳಿಗೆ ಸಂಬಂಧಿಸಿದಂತೆ ಹೊಸ ನಿಯಮಗಳನ್ನು ತರಲು ಮುಂದಾಗಿದೆ.

ದಶಕದಿಂದೀಚೆಗೆ ಟೆಲಿಕಾಂ ಸೇವೆಗಳಲ್ಲಿ (ವಾಯ್ಸ್ ನಿಂದ ಡಾಟಾಗೆ) ಆಗಿರುವ ಬದಲಾವಣೆಗಳು, ದರ ನಿಗದಿಗೆ ಸಂಬಂಧಿಸಿದಂತೆ ಟೆಲಿಕಮ್ಯೂನಿಕೇಷನ್ ಟಾರಿಫ್ ಆರ್ಡರ್ 1999 ಅನ್ನು ಪರಿಶೀಲಿಸಿ ಹೊಸ ನಿಯಮಗಳನ್ನು ರೂಪಿಸುವ ಅನಿವಾರ್ಯತೆ ಸೃಷ್ಟಿಸಿದೆ.

ಗ್ರಾಹಕರಿಗೆ ಸ್ಪರ್ಧಾತ್ಮಕ ದರಗಳಿಗೆ ವಿರುದ್ಧವಾಗಿ ಕೊಡುಗೆಗಳನ್ನು ನೀಡಿ ಆಕರ್ಷಿಸುತ್ತಿರುವ ರಿಲಯನ್ಸ್ ನ ಮುಖೇಶ್ ಅಂಬಾನಿ ಯವರಿಗೆ ದಂಡ ವಿಧಿಸುವಂತೆ ಏರ್ಟೆಲ್ ಸಂಸ್ಥೆಯು ಸ್ಪರ್ಧಾ ಆಯೋಗವನ್ನು ಈ ಹಿಂದೆ ಒತ್ತಾಯಿಸಿತ್ತು. ಜಿಯೋ ಕೂಡಾ ಏರ್ಟೆಲ್ ವಿರುದ್ಧ ತಪ್ಪು ಮಾಹಿತಿಗಳಿಂದ ಕೂಡಿದ ಪ್ರಚಾರ ಮತ್ತು ದರ ನಿಯಂತ್ರಣ ನಿಯಮಗಳನ್ನು ಉಲ್ಲಂಘಿಸಿದೆ ಎಂದು ಆರೋಪಿಸಿ ಏರ್ಟೆಲ್ ವಿರುದ್ಧ ಕ್ರಮಕ್ಕೆ ಒತ್ತಾಯಿಸಿತ್ತು.

ರಿಲಯನ್ಸ್ ಜಿಯೊ ಅತಿ ಕಡಿಮೆ ದರದಲ್ಲಿ ಸೇವೆ ನೀಡಲು ಹಲವು ಕೊಡುಗೆಗಳನ್ನು ನೀಡಲು ಆರಂಭಿಸಿದ ಮೇಲೆ, ಇತರೆ ಟೆಲಿಕಾಂ ಕಂಪನಿಗಳು ತಮ್ಮ ತಮ್ಮ ಗ್ರಾಹಕರನ್ನು ಉಳಿಸಿಕೊಳ್ಳಲು ಹಲವು ಸರ್ಕಸ್ ಗಳನ್ನು ಮಾಡುತ್ತಿದ್ದಾರೆ. ಅನಿವಾರ್ಯವಾಗಿ ಜಿಯೋದೊಂದಿಗೆ ಸ್ಪರ್ಧೆಗೆ ಬಿದ್ದು ಡಾಟಾ ದರಗಳಲ್ಲಿ ಕಡಿತ ಮಾಡಿ ಹೊಸ ಹೊಸ ಕೊಡುಗೆಗಳನ್ನು ನೀಡಿ ಗ್ರಾಹಕರನ್ನು ಆಕರ್ಷಿಸಲು ಪ್ರಯತ್ನಿಸುತ್ತಿವೆ.

Contact for any Electrical Works across Bengaluru

Loading...
error: Content is protected !!