ಮೆಕ್ಸಿಕೋ ಉತ್ಪನ್ನಗಳಿಗೆ ಶೇ.20 ತೆರಿಗೆ

ವಾಷಿಂಗ್ಟನ್ : ಮೆಕ್ಸಿಕೋ ದಿಂದ ಅಮೆರಿಕಕ್ಕೆ ಆಮದಾಗುತ್ತಿರುವ ಉತ್ಪನ್ನಗಳ ಮೇಲೆ ಶೇ.20 ರಷ್ಟು ತೆರಿಗೆ ವಿಧಿಸಲು ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಪ್ರಸ್ತಾಪಿಸಿದ್ದಾರೆ. ಅಮೆರಿಕಾ – ಮೆಕ್ಸಿಕೋ ಗಳ ಗಡಿಯಲ್ಲಿ ಗೋಡೆ ನಿರ್ಮಿಸಲು ಸಂಬಂಧಿಸಿದ ಆದೇಶಕ್ಕೆ ಡೊನಾಲ್ಡ್ ಟ್ರಂಪ್ ಈಗಾಗಲೇ ಸಹಿ ಮಾಡಿದ್ದಾರೆ. ಆದರೆ ಗೋಡೆ ನಿರ್ಮಾಣಕ್ಕೆ ಮೆಕ್ಸಿಕೋ ದಿಂದ ಹಣ ವಸೂಲಿ ಮಾಡಲು ಆ ದೇಶದಿಂದ ಅಮೆರಿಕಕ್ಕೆ ಆಮದು ಆಗುವ ವಸ್ತುಗಳಿಗೆ ತೆರಿಗೆ ವಿಧಿಸುವುದು ಉತ್ತಮ ಎಂದು ಟ್ರಂಪ್ ಸರ್ಕಾದ ಚಿಂತನೆ.

ಈ ತೆರಿಗೆ ಪ್ರಸ್ತಾವನೆಯ ಪ್ರಭಾವ ಭಾರತ, ಚೀನಾ ದಂತಹ ದೇಶಗಳ ಮೇಲೂ ಬೀಳುವ ಸಾಧ್ಯತೆಗಳಿವೆ ಎಂದು ವೈಟ್ ಹೌಸ್ ಪ್ರೆಸ್ ಸೆಕ್ರಟರಿ ಸೀನ್ ಸ್ಪೈಸರ್ ಹೇಳಿದ್ದಾರೆ. ಆದರೆ ಸದ್ಯ ಈ ಪ್ರಸ್ತಾವನೆ ಕೇವಲ ಮೆಕ್ಸಿಕೋಗೆ ಮಾತ್ರ ಅನ್ವಯ ಎಂದು ಹೇಳಿದ್ದಾರೆ. ಈ ಪ್ರಸ್ತಾವನೆ ಇನ್ನೂ ಆರಂಭಿಕ ಹಂತದಲ್ಲಿಯೇ ಇದ್ದು, ಇನ್ನೂ ಯಾವುದೇ ತೀರ್ಮಾನ ಕೈಗೊಂಡಿಲ್ಲ ಎಂದರು.

ಟ್ರಂಪ್ ಕ್ರಮವನ್ನು ಮೆಕ್ಸಿಕೋ ಅಧ್ಯಕ್ಷ ಎನ್ರಿಕ್ ನೀಟೋ ಖಂಡಿಸಿದ್ದಾರೆ. ಗೋಡೆ ನಿರ್ಮಾಣಕ್ಕೆ ಹಣ ನೀಡದಿದ್ದರೆ ಮೆಕ್ಸಿಕೋ ಅಧ್ಯಕ್ಷ ನೀಟೋ ಅಮೆರಿಕಕ್ಕೆ ಬರುವ ಅವಶ್ಯಕತೆಯಿಲ್ಲ ಎಂದು ಟ್ರಂಪ್ ಹೇಳಿದ್ದರಿಂದ, ತಮ್ಮ ಅಮೆರಿಕಾ ಪ್ರವಾಸವನ್ನು ಪೆನಾ ನೀಟೋ ರದ್ದುಗೊಳಿಸಿದ್ದರು.

English Summary:

The White House on Thursday said President Donald Trump is thinking about a 20% duty on imports from Mexico to pay for a southern Border Wall, yet that the President is looking for other choices too.

Loading...

Leave a Reply

Your email address will not be published.

error: Content is protected !!