ಬೆನ್ನು ನೋವಿಗೆ “ಯೋಗಾಸನ” ರಾಮಬಾಣ : ಮೇರಿಲ್ಯಾಂಡ್ ವಿ.ವಿ ಪ್ರೊಫೆಸರ್

ಯೋಗಾ ಮಾಡುವುದರಿಂದ ಬೆನ್ನು ನೋವಿಗೆ ಉತ್ತಮ ಪರಿಹಾರ ದೊರೆಯುತ್ತದೆ ಎಂದು ಭಾರತ, ಇಂಗ್ಲೆಂಡ್, ಅಮೆರಿಕಾಗಳಲ್ಲಿ ನಡೆಸಿದ 12 ಶೈಕ್ಷಣಿಕ ಅಧ್ಯಯನಗಳಲ್ಲಿ ತಿಳಿದುಬಂದಿದೆ. ಸೊಂಟ, ಬೆನ್ನು ನೋವು ಎಲ್ಲರನ್ನೂ ಕಾಡುತ್ತದೆಯಾದರೂ, ಇದರಿಂದ ಮುಕ್ತಿಗೆ ನಾನಾ ವಿಧದ ಔಷಧಿಗಳನ್ನು ಬಳಸುತ್ತಾರೆ. ಇದರಿಂದ ಅಡ್ಡ ಪರಿಣಾಮಗಳೂ ಉಂಟಾಗುತ್ತವೆ. ಔಷಧಿಗಳ ಅಗತ್ಯವಿಲ್ಲದೆಯೇ ಈ ಸಮಸ್ಯೆಯಿಂದ ಮುಕ್ತಿ ಪಡೆಯಬಹುದು ಎಂದು ವಿಜ್ಞಾನಿಗಳು ಹೇಳುತ್ತಿದ್ದಾರೆ.

ದೀರ್ಘಕಾಲದ ಬೆನ್ನು ನೋವಿನಿಂದ ಬಳಲುತ್ತಿದ್ದ ಕೆಲವರಿಂದ ಯೋಗಾಸನಗಳು ಮಾಡಿಸಿದ್ದರಿಂದ ಕೇವಲ ಮೂರು ತಿಂಗಳುಗಳಲ್ಲಿಯೇ ಅವರು ಈ ಸಮಸ್ಯೆಯಿಂದ ಹೊರ ಬಂದರು ಎಂದು ಅಮೆರಿಕದ ಮೇರಿಲ್ಯಾಂಡ್ ಯೂನಿವರ್ಸಿಟಿ ಪ್ರೊಫೆಸರ್ ಸುಸಾನ್ ವೀಲ್ಯಾಂಡ್ ಹೇಳಿದ್ದಾರೆ.

ಯೋಗಾ ಈಗ ವಿಶ್ವಾದ್ಯಂತ ಜನರ ಆಧುನಿಕ ಜೀವನ ಶೈಲಿಯ ಭಾಗವಾಗುತ್ತಿದೆ. ಅನಾರೋಗ್ಯ ಸಮಸ್ಯೆಗಳ ಪರಿಹಾರಕ್ಕಾಗಿ ವಿಶೇಷ ಯೋಗಾಸನಗಳನ್ನು ಮಾಡಬೇಕು ಎಂದು ಅವರು ಸೂಚಿಸಿದರು. 1,080 ಜನರ ಮೇಲೆ ಸಂಶೋಧನೆ ಮಾಡಲಾಯಿತು ಎಂದು ಅವರು ಹೇಳಿದ್ದಾರೆ.

Loading...

Leave a Reply

Your email address will not be published.

error: Content is protected !!